台北身心靈 9成9素食之旅 DAY1

4月先岩岩去完台北返黎 ,已經好急不及待約幾位好姊妹再去啦~~ 





飛機餐一早訂左嚴格印度素食
好味呀~~ 比起舊時食肉餐時
係機上成日反胃 吃素反而有一份清爽感覺

嚴格素 不吃蛋奶 所以無甜品
唔緊要~~ 我自己有健康甜品~~ 哈~



今次我地一行5人 係AIRBNB租左一間屋
呢間屋西利啦~~ 4間套房~~ 間間房都係雙人床
同埋有自己既洗手間
房東係做室內設計,成間屋都好有品味.
配套用品非常人性化 大愛 姊妹們都好滿意~







因為約左台北的朋友 第一天我離隊
朋友帶我到北投慢步~~
到一間由谷倉改建而成的餅店




香蕉戚風 香丁芝士餅 鳳梨磅蛋糕配鳳梨雪糕
仲有手工朱古力米通
全部都好好味~~~




由3點不知不覺傾到7點 起程回東區
呢間素食店叫二本
網上話本地台灣人都好難搵到佢個位置
所以要考考我呢位自稱台北人肉GPS朋友
算好快就搵到~~~ 原來佢係一條暗巷入面
呢間係素食店 有些菜式可以叫佢做純素
走五辛 咩都得~~ 岩晒麻煩的我~~



沙律唔記得叫咩名 ,但個味好似馬拉既花生醬涼拌小食

下面呢個叫bbq醬非啃不可三明治
無錯!!真係非啃不可!!! 真係好好味~~



原來我地2條友咁細食.....呢個松子仁青醬食唔晒
但都好味既~~



非常推介 二本餐廳
https://www.facebook.com/herban.taipei/