生機飲食

上回提到開始減肥

人過了30 真係飲水都肥

有D人就怪罪於天生就係咁

NO~~~ 超錯!!!!

先問下你每日食咩野落肚 , 上次認真連續每天做運動每天30分鐘係幾時?

有人話:唔係播~~~我淨係飲水咩都唔食都唔瘦呀~切肉都唔瘦呀~~

因為你身體毒素太多 身陳代謝太低
我直頭幾乎無新陳代謝
點樣為之無呢?!我有一排試過
頭髮完全唔會生長 我試過半年無剪過頭髮
但佢完全無長過 因為染左頭髮 好明顯見到個根部係唔會生長
仲一味甩頭髮 又唔識生 都咪話唔驚

先係拍打 打通經絡後 配合5:2輕斷食法 係有瘦左少少
有做運動 每晚都去快步走 1小時
效果都係好慢 一個月減2-3KG左右

開始認識一種食生的"生機飲食"自然療法

正好夏天不怕太生冷
咁就開始食生

咩叫食生呢?

就係 每天三餐 都係食不經加熱過的果菜
無任何主食(粥粉麵飯)因為要煮過 所以不是生的

早餐飲果菜露
材料好隨意 生果 菜 加點HONEY 水 喜歡的加乾果 果仁也可
打起即成~~ 都好飽肚嫁~~

周博士就有搞一d食生的 生機COOKING CLASS

都有好多野食嫁~~

中午返工就食沙律 醬只用黑醋
晚餐有時間煮就整Zucchini Noodles 加杯果菜露咁

食生一個月減了3KG 每日都有運動

但因為咩事我會停左呢?

我婦科既問題 食生後 無左M COME

根據生機死忠表示 :你表面上覺得佢無 其實佢係有 只係個量好少
少到你會自己吸收 或唔知去左邊..................

周博士話古時的女性係咁先正常........

再發自我心底講...我覺得自己開始成個人變黃 同埋身體好寒....好寒....寒到成日見暈....
大熱天時 正值6-7月..我成日都覺得好沾寒沾凍........
(可能會受到死忠攻擊"想太多..邊有人睇我個BLOG")
但呢個真係我親身的感覺 我無辦法一味讚好
唯一覺得正既係個果菜露洗腸好幫得手
唔食生其實用黎排下宿便都幾好

呢個療法對於我個人黎講係唔可以持續發展...SORRY......
食生的後期我係靠果菜露為生...因為.....見到碗沙律已經開始反胃.....SORRY......

又要再搵新的飲食方法啦........