未來的消費模式 - 直銷

上星期上FORDAYS OFFICE聽了一個說明會
由台灣分公司的營業部同事主講 (FORDAYS係台灣已經14年了)
經過消化內容後有少少野想講

記得接觸呢類行銷方式係小時候媽媽加入AMWAY
家中的濾水器 洗潔精 維他命丸 媽媽的護膚品化妝品都係用AMWAY
當時傳銷好新 風氣都無話好強迫性 到宜家我媽咪都仲係會員
家中仲有一些產品用緊

到我讀完書 正要搵野做時 果一年感覺傳銷離我好近
隔離班唔太熟果D都會搵我
神神秘秘咁 :喂~有工介紹你做呀~ 一齊上去聽個講座丫~~
不過唔好話俾人知你要上黎 ~聽咩野?!你唔好問先啦~~
上到黎聽你味知LOR~~
上到去 係傳銷公司 FO*EV*R 聽都唔係問題
D咩咩藍寶上去吹噓
自己加入後生活得到咩改變
幻燈片一直播放佢同一堆大屋名車遊輪既相
都唔係問題  最大鑊既就係 一完左個會
就好似有一堆人圍你 一定要你馬上立即立刻交幾萬銀出黎
仲有好進取既所謂經理係咁落咀頭 (感覺好似落降頭)
感覺好差...............當然我無落搭啦 一句我無咁多錢
即刻俾一堆浪費我時間的眼光格扯 哈~~
其後都接到6-7個電話 都係叫唔好問 上去聽個講座先既電話
我都推晒
第2次係3個月後 今次新野 我一個好好的同學仔 爆肥 無啦啦約我出去飲野
OMG 瘦左一半 佢就問我要唔要減肥 (HEY~~ 邊個少女唔想減得嫁)
我就問係咪好貴嫁 美容院定咩黎嫁 又係好神秘話 你上我地公司睇下就知
一上到去...... 康**
頂........又要聽講座....又要係到睇邪教洗腦相......
今次d經理仲進取 我咩都無講過就同我講
拿!你咁既身型!! 我幫你計好嫁啦!!
你要食起碼6個月代餐 仲有一堆咩咩丸
3,2得個6 你要減到幾多幾多咁買$38000呢到就得嫁啦
我計好晒呢到係最抵嫁啦 你又立即可以成為經理...........BABABA BABABA

係~~我已經靈魂離開左 ~~ 打算用同樣手法逃走....點知都唔成功
俾人LUR到我試用 大佬....淨係食代餐就梗係瘦啦....
仲食到我成面粒粒..........
後來介紹我呢個同學都反彈返佢原本個樣

經過呢段不愉快既經歷 打後呢20年對傳銷呢2個字完全都走夾唔透

直到加入左FORDAYS 先明確分別到 直銷同傳銷既分別
開頭入會都怕煩嫁~~ 但為左食得抵D 矛計啦
見佢每月最低消費都只不過係買一支 我一個月都要飲3-4支啦
一支打後果d仲有現金回贈 ,仲要回成1/3咁多
無奶油唔入姐 心諗最多打死都唔去聽邪教講座
做個用家就得啦~~~

有次上去買貨唔小心聽左個講座
喂!! 唔係播!!!唔係邪教洗腦既?!
係一位好優雅既女士講公司產品既成份
如何製造 公司做左咩野令我地放心使用
喂~~我聽晒呀~~~~ 我覺得好好聽呀~~~
無硬銷 無洗腦 幻燈片中全都係產品的資料
後來我會主動去聽說明會
去多了解自己用緊既係咩黎

自己用得好 都好想介紹俾朋友
同到身邊有人有健康問題 我會主動送迷你裝俾佢地試
係送嫁~~ 我自己出錢買嫁~~
因為產品真係好好 我好放心去介紹俾人
我都同朋友講 試得好先買
唔洗有壓力 你覺得好自然會搵我
唔洗唔好意思 幫到你就可以了

加入左 都無話俾上線卒數呢件事
基本上我係一個用家 用得好 就介紹俾朋友
人好奇怪 如果我話你知 CHANEL 支粉底好得 LA MAR 支面模好好用
你會心動想試 但我話你知呢個直銷產品好好用
你就會覺得:下~~ 要入會~~ 做你下線 ...唔好搞我啦~~
直銷同傅銷既分別好大
直銷係唔希望你存貨量多 係做好產品 用口碑 細水長流
好似AMWAY咁 我屋企用左30年
直銷節省左做廣告 做門市 上架既費用 直接回饋俾用家
我好明明那些年被不良傳銷手法嚇怕既人
但直銷將會係未來新既消費模式