東地中海遊輪假期 DAY5 希臘 Mykonos

Mykonos 的日出~~~~
是日泊岸到港口 所以要駁一程巴士先可以到市中心
如果港口無位 就會泊係市中心的對出海面
改成坐小船搶灘



一直都好想親眼見到的白色小屋





曬到手腳都黑晒~~ 係塊面無事~~



Mykonos 就係出名睇呢幾座風車啦




到此一遊後 就去行街
島仔細細 名店都幾多下嫁~~~



萬里無雲~~ 曬到頭都痕



海邊有好多小餐廳~~
領隊話近搶灘位置的會比較老實一點
近風車那邊因為風景靚要貴多3倍



記得問店員拎麵包~~ 我呢間麵包就免費
點汁汁~~好好味~



回船梳洗後 係露台見到愛琴海咁靚既日落....真係醉左~

東地中海遊輪假期 DAY4希臘 Katakolon

一訓醒 又到左第2個國家啦

希臘~ katakolon 奧林匹克古城

參觀古時 的奧林匹克運動場



每次燃點聖火 都仍然會返黎呢到取火



真係曬到燶嫁

被羅馬帝國統治後
好多宙斯時期的藝術品都被破壞
而呢個古運動場保留最完美的
就係呢個掌管玩樂的hermes 神像
當地導遊小姐話之所以佢一直單身
就係搵唔到一個好似hermes咁完美的男人



呢個係勝利女神的神像
佢個名叫Nike
導遊話佢隻腳微微向上
個運動品牌個LOGO係咁得黎
但我真係睇唔出



即使石像都被破壞過
但仍然感受到果種震撼感
2千多年前的文明 西利



曬完咸魚 回船準備今晚第一次的船長晚宴~



要扮靚靚 同船長見面~~~~




曬左成日無咩胃口......
戰鬥力開始下降

東地中海遊輪假期 Day 3意大利 巴里

坐船去玩真係好正~
一覺訓醒就自己移動城堡到另一個城市
諗返起d巴士團...就真係反反地胃....
上車訓落車就去廁所
日日趕頭趕命.... 真係玩過遊輪就唔想再行軍啦



由於今日係星期日 呢到有2間大hermes shop 都無開
所以只可以觀光為主



呢個港口停泊的位置係可以腳程自己行入市內既
約10分鐘左右就會到達聖尼古拉教堂
用google map行 都好清晰~~
係橫街小巷內都無話會迷路





亂咁四圍走



坐底飲杯野~~~~~ 主要係想去用小店既廁所
就咁去d要收費既洗手間 都要1-2歐
仲要唔乾淨....去d小店 cafe 飲杯野 都係1,2歐
搵間少人d既 仲有個乾淨洗手間去
哈哈~~



天氣真係好到呢

無野買都係早d返上船休息睇show食雪糕食飯

東地中海遊輪 Day1&2 威尼斯

搞左成20個鐘...又轉機又盛
終於黎到威尼斯........

會係威尼斯住一晚 第2日先上船
所以有少少觀光行程~~~
黎到呢個叫Padova的地方
參觀一所全意大利第2老的大學
大學好多地方都爛左
但佢地唯一極力保護的一所小禮拜堂
唔知點解未入去我已經有一點期待
圖中呢幅壁畫叫最後的審判
真身好震撼



呢d畫係用有顏色的小石子拼貼出黎



而佢畫內的內容 係好多後期的名畫中
都有被抄襲入畫中



入去之前會先要睇一套15分鐘的影片
係睇既同時 得知禮拜堂的詳細資料
另一方面 小房間內有淨化塵埃的功能
堂內參觀都設定為15分鐘
應該呢個禮拜堂內的畫係非常重要
要咁勞師動眾去保護



第2日 訓醒先到碼頭寄行李上船
之後就乘坐船公司的水上的士
進入聖馬可區觀光





去朝聖係少不了~吃吃吃吃



一直都好想親眼見的 真.貢多拿~~



去意大利日日食雪糕是常識吧~



嘆息橋



在威尼斯 每一條小巷都是風景~~



團餐都唔錯嫁~~




隔離光頭靚仔 係都要塞舊面包俾潮媽餵雀~
提一提 其實係聖馬可廣場上餵雀係犯法嫁
如果有人捉要罰款嫁



堅曬~~~~~ 感恩天氣好好 曬到眼花



上船第一件要做的事 ,逃生演習
一定要出席哦





其實食物真係唔錯嫁~~~~~