阿南達的美食

鍾老師的巧手
加上沈老師的食譜

在復食開始後
你就會覺得自己上天堂

係營中食的飲的
每一樣食材就由沈老師精心挑選
保證能量係好的
先會煮俾我地食

雜菜湯
味增湯底
泡完溫泉返黎食呢道菜特別舒服
爽~!



第5天的飲食先叫人神往

早餐

鍾老師做的消化麵包
無蛋 無奶 無油

椰子古古力醬
啖啖椰肉
配上桂花香
讚~!

動手做中午飯
幫忙做沙律
順手教我地少少煮食技巧

離開前的最後一餐

酸椰菜都係鍾老師的自家出品
下次要帶保溫袋買走

呢個麵好味得太過份啦!!!

素串燒非常出色!!

5天的營完結
已經計劃下一次的日子

而我經過沈老師的個人健康資詢後
正式成為一個嚴格的素食者

希望經由呢個平台
可以令更多人明白
保健 同養生的重要性

病唔係一日練成的
一個腫瘤要5-10年時間去形成
而你係完全唔會感覺到佢既存在
係我地未有明顯病徵前
先預防病的到來
係我現在同往後會同我的家人一起實行的事
好開心 媽媽今次跟我黎斷食
更感恩係媽媽都同我一齊食素
希望我既家人都得到真正既健康同快樂

阿南達瑪迦3

係營內 沈老師既堂
我係一堂都唔想miss
只要身體許可都會盡力出現

da da教我地靜坐的理論



沈老師講課內容全都係寶~~
唔聽真係走寶~~

人係要曬太陽嫁~~
唔好話怕晒黑
只要身體好~~ 好快會白返



飲水係非常重要
像足夠的水都未夠
仲要飲好水

咩係好水呢?!

老師教導的食療

今次真係長知識呀!!
原來女性m come時
被成年男人掂到
會令荷爾蒙出問題嫁!!!

復食當日 仲會安排去浸溫泉
排汗加排酸~~

阿南達瑪迦 2

好感恩~~
今次台南的朋友全程做我司機
落機黎接我入營
接我出營~~ 仲同我一齊上台北
好屙心呀~~

我呢位台南朋友都係阿南達瑪迦的常客

過去的一年內入營3次


下午2點半報到~~



環境非常好

檸檬已經在呼叫我

食可斷 核酸不可斷

阿南達瑪迦係前年新興建左一棟養生中心
入營者可以加錢入住
2人房有床
3人或以上房間就好似我呢張相咁
通常一家人去 就會選擇加錢有私人空間

浴室好整潔

真正咩都唔可以食的只有1日
其他4日都有老師調配我排毒食療
準備進入斷食係流質食物

每朝自己動手調自己的檸檬鹽水
檸檬鹽水係排身體酸性的妙品
檸檬經消化後會變成鹼性

我第一日入去要飲15個檸檬......
我身體真係好酸......
癌症康復者都係16個only

5點半開始 飲檸檬鹽水
基本上 第一日大家都好似喪c咁
一直到約10點左右會好少少
基本上 上午既瑜珈堂..係好少人上到
嘔既嘔 屙既屙
我就嘔到飛街
老師話我係重金屬排毒....

媽咪5日都無嘔過 但第5日就成面出紅疹
老師話呢個係化學品排毒反應

但好神奇地 我D皮膚越嘔越令~~
越嘔越滑~~
後來我朋友講 佢之前黎果3次
d營友都係咁
無嘔果d會起紅疹
嘔得勁果批就白白滑滑咁走~~

屙就唔水講啦~~ 屙到呢~~~~
都無食過野....都唔知邊到咁多野屙........

阿南達瑪迦 - 斷食營

親~ 我回來了~~

這次有好多好多新的知識要同大家分享

應該要分幾個po寫

實在係一個好美妙的體驗

沈老師是一個神人 有雙x-ray 眼
俾老師掃過 完全不用去照野啦
不同的排毒反應 老師都睇得出係咩野排緊出黎
會提供自家製的順勢療法小糖丸去舒緩症狀
如果有特別的病情
老師會用順勢療法 + 瑜珈飲食法去治癒我地

非常舒適的環境 完全係 身,心,靈,的排毒

完全不想錯過任何的課程  很有愛的一個地方

有一對一的打坐課程
原來每個人都有一個獨門的打坐罩門
老師會睇得出你要用邊一種方法先容易進入狀況
一對一地教導同練習~~~~實在係好 ar may sing ~~~

先提一提大家 有重症的病人 快快起行
如有重病可備注有優先取錄權

因為有一對一的健康資詢時間
老師會睇得出你有咩係可以食 有咩係唔可以食
教我地如果靠食療去自癒

這一期有幾個老學員都係患癌後黎尋求治療的~~
而一直都keep得好好~~ 其中一位患胃癌的大哥
已經要進入第5年的觀察期啦~~~~
我地到最後一天分享會時先知大哥係胃癌康復者
完全睇唔出~~ 好感恩 ~~可以有緣份黎到阿南達瑪迦
另有一位係岩岩開左刀切除癌腫瘤黎尋求排毒同治療
睇住佢由半信半疑的心態,到懷著滿意的笑容離開
實在好感動~~~

老師設計的每一個環節都係為我地排毒而設
同我之前去果間有好大分別

今次去5日覺得太少 好想一直住係入面 wakakkakakak

介紹一個阿南達瑪迦最重要既一個元素俾大家認識先

" BaBa Nam Kevalam " 係一句梵文 意思 "永恆的愛無所不在 "

我地每日都會由dada / didi 帶領我地去唱頌
初級靜坐者 會唱頌呢句梵音去進入靜坐
當我地持誦同埋去觀想個意境時,會幫助我地放下無謂既想法,感受到靈性的喜悅.

阿南達瑪珈不是宗教 是一門學術思想
為左呢門學術思想出家的男性叫做dada (意思是親愛的兄長)
女性叫didi(意思是親愛的姐姐)
教範師是指在阿南達瑪迦裡受過特別的訓練與通過考驗,以自己的行為去教導他人,
而且有資格傳授個人靜坐 的瑜伽行者.
教範師大部份是出家人,有少數是在家人.
在阿南達瑪迦內看到身穿橙色制服的就是出家老師
他們將自己奉獻給大家,到世界各地從事社會工作

今次我好幸運 到的第一天  剛好係組織開會
平時只有1,2個注場dada/didi
今次見到好多好多 dada didi
有幸得到一位德國籍的dada 帶領我們這期學生
平時佢係長注外蒙古
呢位dada係一名藝術家 在梵音靜坐部份令我非常享受

勁歌推介
係營中 就係每日聽呢個 好平靜~~

瘦身之路3 灌腸

係斷食營內老師有教我地灌腸
但因為當時環境有點惡劣 所以我無係營中嚐試
灌腸最快見到效果係個肚腩
灌得幾次肚腩變得扁平
不同的灌入物 會有不同既功效

當我同我家人分享呢種自然療法時

有幾種反應
1.E~~~咁核突嫁~~
2.會唔會依賴左嫁
3.會唔會吉穿條腸嫁

試諗下腸內積左咁多年既毒素一直由大腸吸收返
你覺得洗佢出黎核突定由佢留係入面核突D?!

係唔會有依賴性既~ 我媽咪係30多年的長期便秘患者
長期要靠通便藥去通 直到食藥都唔得
就開始搵D山草藥去試
搵到一隻叫 "蕃瀉葉" 既草藥
呢隻野係咩黎既呢?!
有返咁上下年紀既可能會知
一隻叫"保秀麗"減肥茶
就係有大量 蕃瀉葉成份

固名思意就係"瀉"
呢種葉有毒性 唔可以大量及長期飲用
另外遇熱水沖出黎的汁液為深啡色
如長期服用 腸胃會被染成啡色
(我媽做腸胃鏡時已經証明左已經染成啡色)

我已經多次叫佢唔好再飲用
但真係3,4日都去唔到大
口氣同脾氣都大到不得了
始終苦無方法去代替

今次一返黎 當然要立即介紹俾媽媽
試左3日每日晚上沖涼前分2次灌2包水
洗出好多好奇怪既野出黎 當然潺不在話下
媽媽既腸開始有返自然蠕動
早上起身 有自然排便
佢當然好開心啦~~
由果日開始就無再食過任何藥啦

好感恩~~ 因為核酸不用食安眠藥 因為灌腸不用食通便藥
多謝自然療法令家人同自己都可以自然地得到健康

有位好姊妹送左一本書俾我
書名叫"葛林療法"
係講述如何用咖啡灌腸去治療癌症
原來咖啡進入大腸約15分鐘左右
大腸就會開始吸收咖啡
呢個舉動會令肝臟放鬆
放鬆的肝臟會開始排毒
人的膽石 其實係由肝臟開始形成
再跌落去膽 好多年前 我已經做左切除膽囊手術
宜家真係覺得認識自然療法太遲
原來咖啡灌腸加萍果排排石法
係可以將肝膽的石排出

肝同腸點解對治療癌症咁重要呢?
肝臟係一個化工廠,你食進的食物 ,藥物 都要靠佢去分解
再分配到身體各處
當有好多毒素積壓 無法排走 而癌症患者用既係咁有入侵性的化療藥
肝臟開始運作唔到 藥得唔到充分的分解 藥效不但一直變差
你個肝都一步一步走向衰竭
大部份的癌症病人都係因為器官衰竭而死
呢個部份好值得思考

另外腸係一個不被大腦控制的器官
可以對抗癌細胞的T細胞 巨噬細胞 係生長係腸內
如果你的腸相唔好 毒素太多 可以對抗癌症的細胞都不適合生存

呢2樣野同時係你身上發生 點可能會長命 點可以唔病呢?!
所以要飲核酸去保護個肝臟同時令肝臟進行細胞合成
令合成細胞強大就可以去切斷癌細胞既糧倉

核酸可以有效切斷癌細胞的「糧倉」

核酸由兩種方法製成，第一是肝臟合成，以食物中的氨基酸、阿摩尼亞、一氧化碳等作為原料，在肝臟、腎臟中合成。第二是「細胞合成」，將食品中所含的核酸素分解物輸送到體內細胞中，再進行合成。

但是，不同方式所合成的核酸，在體內被利用的方式截然不同。透過肝臟合成所製成的核酸，不僅正常細胞可以利用，同時也是癌細胞不可或缺的營養素，這樣一來，癌細胞反而會更壯大。

相反的，細胞合成所製成的核酸，幾乎都變成正常細胞的營養素，並不會供給癌細胞。換言之，細胞合成所製成的核酸，會提供正常細胞營養素，但卻不會變成癌細胞的營養素，關鍵就是在這裏。

人體內的核酸總量由恆常性維持機能（讓體內環境維持穩定的機能）控制，隨時都保持一定的數量。換言之，一旦細胞合成的核酸増加，那麼肝臟合成的核酸數量就會減少。

因此，積極攝取核酸食品，可以促進細胞合成核酸，降低肝臟所合成的核酸。癌細胞所需要的，是肝臟合成的核酸，因此只要體內的細胞合成核酸增加，癌細胞就沒有足夠的熱量來自行增殖。

換句話說，切斷癌細胞的糧倉，讓細胞的糧食來源被切斷，增殖的速度就會減緩，最後活活餓死。現在，大家已經知道攝取核酸食品的必要性，而且，最近的研究也證實，核酸能夠減輕化療的副作用。

資料來源：水溶性核酸的神秘力量 著者：松永政司˙宇住晃治 出版者：青春出版社

而腸就靠灌腸 多飲好水 多吃高纖維食物 少吃肉 去令腸相美滿
腸乾淨後我媽媽有咩其他變化呢?!
面上色斑少左 皮膚變年輕緊繃左
整個人望上去都青春左
當然核酸的功勞都好大幫助

人唔好一直活係自己的框框入面
多嚐試 世界會變得不一樣

瘦身之路 2 斷食

終於等到入營的日子啦~~~

透過核酸內的成份幫助 同埋全素的飲食  我keep到無重過呀~~~

fordays dna核酸飲品既甜味係由"稀少糖"到得到
宜家日本有好多瘦身飲品都係用稀少糖
好~~又膠維基上身
「 稀少糖 」為砂糖味的減肥藥1 擁有70％的砂糖甜味2 幾乎沒有熱量3 有助阻止葡萄糖吸收4 抑制飯後血糖值上升並抑制內藏脂肪累積

係咪好開心呢~~~ 糖尿病人士恩物呀~~~

新陳代謝真係好重要~~ 如果無或好低
真係切肉都唔瘦

入營當然要帶埋去飲啦~~~~

係時候報數啦
我最高峰的體重 係135kg (我有265cm高)
入營當日做記錄 係125.8kg
出營當日時係120.4kg

到今日寫呢篇blog時 已經去到105kg啦~~
返到黎香港 我實行一個星期斷食一個星期複食的大計
keep住新陳代謝之餘仲可以keep住瘦
中間仲經歷左一個新年
有呢個成績 實在非常開心
而呢個暫時我覺得係可以持續發展既一種方法~~
而今個星期6 我又會飛去台灣入斷食營啦~~~
希望今次返黎 可以同3位數字say good bye~~~~

好入正題!
好多人都問我同一個問題:唔會餓既咩?!
會! 但係自己揀既!
自己選擇唔食 同唔俾你食 係有好大分別
同埋我地每日都要飲約4-5公升既水
所以都好飽下~~~
其實斷食真正意義唔係瘦身
瘦身係副作用
佢係一個可以俾你身體有一個清閑時段的自然療法

當你唔再食野 佢唔需要分配能量去消化食物
身體就可以分配能量去消化毒素

係斷食營入面 我地被沒收電話
同電子產品的暫別
可以得到心靈排毒的效果

我唔會係到教大家點係家中實行
因為要得到最佳的效果
係一定一定一定要入營

我有一個朋友苦苦哀求我教佢
佢用到佢有好嚴重情勢病
身體點差點差 仲肥過我好多等等做借口

我心軟...... 我教左佢........
但佢只實行左一日...就完全又開始大吃的人生.......

其實我都拒絕左佢好多次
因為每個人排毒反應不一
有人可以好辛苦
斷食頭2-3日身體會燒肌肉去換取能量
燃燒肌肉時會產生酸性 會引起酸中毒
每個人反應不一 所以要有專人睇住比較安全
我就係頭痛 想嘔  暈
呢個狀況會keep住2,3日 過左就會無事
之後會越來越精神 因為身體開始燒脂肪啦

係營中 生活作息好有規律
仲有40人的氣場 對斷食初學者都大有幫助

講真下山要離開時 真係有D唔想走~~

當生活中無左電子產品
每天過住群體生活
心房真係可以慢慢打開
每日40人 圍埋一齊閑話家常~~ 唔係個個都做低頭族
真係好開心嫁~~
每天老師安排的活動由早上5:00開始 一直到晚上10點
有斷食的理念課 瑜珈課 靜坐課 電影會 外出健走
每天都過得好充實~~

16年11月去的斷食營叫"蘇老師自然療法之家"
係一間家庭式經營比較樸素的營
老師就係爸爸同仔仔 媽媽就管理飲食同做早操部份
設備都算係簡陋 如果想回歸大自然的朋友可以一試
但最好選擇天氣比較涼的日子去 因為係無冷氣 無冷氣 無冷氣
山邊 多蚊虫 多蚊虫 多蚊虫 重點 :40人共用10格廁所 沖涼又係果到 排毒又係果到......

黎緊星期6我會入果間營 叫"阿南達瑪迦生態村"
位置就係蘇老師隔離 上次入營時 我地間房可以望到呢間生態村既內園景
好豪華嫁~~~ 後來知道佢有得加錢入住獨立房間 我就更加想試~~~~
後來check返資料 呢間生態村就係蘇老師學師既地方
期待 返黎再同大家報導~~~

瘦身之路(1)

食個排毒套餐 5日減5KG 實左係好吸引~~~
辛苦忍5日的成果非常吸引
但經過我30年的減肥經驗......咁快速的減去....只會更快速的反彈

講真...正常開始食野後......就一日一磅咁返黎啦....... (老朋友們...我地幾時可以絕交呀)

到復食第5日 回了5磅.....都好...唔係彈左10KG........

咁要搵下有咩新方法啦!!!!!!

宇宙又再聽到我的呼 係~~~又係YOUNG LIVING

呢個時候瘦身系列出左新野~~~ 講明係消脂 同加快代謝率

係...又要講少少野....之前減咁多..個脂肪率只係減得好少.......

即試!! 2個月為一個療程!! 同時開始用YOUNG LIVING的蛋白粉做代餐

古古力味好好味~~~ 因為返工叫外賣太油 又因為生機飲食令我唔想再食生野

咁每日的早午餐都用蛋白粉代替 仲會配生果食 (生果吃到飽)

晚餐自己煮多 唔出街在家就吃素 用蒸蕃薯代替飯

話說加速代謝要增雞 咁就由每日的快步走改為
每晚重量運動 操G肉 練核心G群
每日玩TABATA 3組  
第一個星期好驚喜 輕左1KG  FAT跌左3%
明顯雞肉有實的的~~~~

2個月後BODY FAT TOTAL 減左9%
總減重5KG 成個人係結實左 唔會話好鬆散

黎到呢到 哈哈~~花心的我.....又開始覺得代餐呢件事....唔可以持續發展
係.......杯野....開始飲唔晒..........半杯都想反胃........

.....嗯........要同代餐分手

宇宙好錫我~~每次我有需要 佢就俾我認識新的事物

有JM SHARE 一篇報導 講一個係台灣的斷食營
(我10年無睇過任何報章雜誌)

幾個JM個個都話有興趣 但最後 得3丁友去左~~

距離去斷食營的日子仲有2個月
呢2個月 總唔可以停步嫁~~~
我又認識一樣新的產品

FORDAYS "核酸"

之前一直講我把頭髮就係見證我無新陳代謝的指標
除左咁 我塊面同皮膚 都唔多好
面係中東油田 化咩妝都會俾面油食晒
甩妝甩到好似有好多變形虫係面上
毛孔就仲衰....大到都唔知點講
身體上就成日生粒粒 下爬成日有大毒瘡
(後來知道係因為大腸唔乾淨引起皮膚唔好)

我開頭飲係為把頭髮 同埋皮膚
我係到講就會俾人覺得我講到支野好似好神奇咁
好似好硬SELL野咁
利申:我係會員 我係會員 我係會員

我呢世人最憎傳銷!!! Young living個個月都有野買我都無入會
我試用第一支fordays都係俾貨價去買大支試

我飲左1個星期 就帶埋我媽咪一齊去入會
我入會係抱住一個自己會keep住飲 入會飲抵D 既心態
發生左咩事 令我即刻要沖上去呢?!

半年好似堆草的爛頭髮 飲左3日...佢變得好柔軟 順滑
我平時洗頭未落護髮素前 基本上係唔敢勁初個頭皮
緊餘殘存的頭髮係會打晒交 再折斷
但突然發現 係無改任何習慣的情況下
我唔落護髮素可以好順暢地初到個頭皮係唔係要尖叫先!!!

飲左呢支野一星期面油出少左好多
口好乾 每日都要自動飲好多水
飲左2個星期後毛孔明顯細左
重點"排宿便" 又係屙潺
我諗我條腸真係好差
飲左1個月 我無生長過半年既頭髮
佢重生啦~~~~~ 我係幾咁激動呀!!!!
我幾驚我會成為地中海!!!!!
仲有 之前因為食生無左的m
佢又返黎搵我啦~~~~~

最神奇既係 我成個身體都覺得好似發熱發亮咁~~
做少少運動都覺得D雞肉熱晒~~~

媽咪多年要食安眠藥既習慣都無左啦~~
因為佢話飲左核酸佢好好訓~~~
仲有佢有好多野唔敢食 一食就起敏感
佢手袋長期有幾款藥膏 就知佢有幾敏感
飲左核酸一個月 就到左蟹季
舊時 媽咪最多只可以食半隻 一隻會成面起晒野
其實佢好鍾意食海鮮嫁~~~
佢話為左測試要去食放題 .......佢多年的大解放...
佢一口氣食左6隻.......完全無事
隔多個星期再去 媽咪話 如果今次食完都無事
我就100%相信呢個產品~~
今次更加狂 食左8隻都無事

另一件神奇事 就係發生係我2隻貓貓身上
靚仔B係我既心肝~~ 今年都10歲啦~~
年紀大左 抵抗力就會差 我試核酸前2個星期
仔B大傷風 嚴重到有菌入眼 眼仔都白晒
睇醫生打針食藥都係好唔得晒
到第2個星期眼內仲係有個白烘
食左2星期抗生素 一定要停嫁啦
咁岩核酸到手 俾仔B一齊飲 睇住個烘慢慢消失
飲左5日 成個精神晒~~~
我另一隻貓貓 叫琴姐 係我第一隻貓 今年都16歲啦
過去一年佢已經好少陏動 好多時都係訓,食,去廁所
我毛都生左好多 感覺都好老態
俾仔B飲的同時 都一齊俾埋琴姐飲
都係飲左一個星期左右 覺得佢毛色好令~~
眼仔由長期D眼 宜家變得圓66 好有神
最最最驚喜...佢會跳上跳落 ..出黎玩
成隻貓回春~~~~~
後來我地有研究過 因為貓細隻 核酸發揮效力比較快
我地好多貓貓 狗狗飲左都有好好的效果

我喜歡呢個產品係因為佢唔係單一功效
佢係去修復你成個人 邊到有問題就去邊到修復
又可以變靚又可以變健康 仲可以回春
後來更加深入了解之後
就更加覺得同佢識得太遲
如果佢早3年打入香港市場 我爸爸就唔洗受咁多苦.......
我會主動介紹人去飲係因為我真心覺得呢個產品真係幫到人

因為商品說明條例 我係唔可以講呢個產品可以治療癌症
但從科學既角度去講 唔係公司的自吹自雷
我係睇左由科學家寫的書,講述佢地對核酸研究成果既書籍
遲D再同大家分享

核酸係我瘦身之路上絕對功不可沒~~